26 oktyabr 2018-ci il tarixində Azərbaycan Memarlar İttifaqında BMAM-ın Bakı Akademik Mərkəzinin Şura iclası keçirilib.

İclasın gündəliyindəki BMAM-ın müxbir üzvlüyünə rotasiya məsələsini müzakirə edərkən BMAM-ın professorları Raihə Amenzadənin və Fərhad Mollazadənin namizədlikləri təklif olunub. Həmçinin Elturan Avalovun, Şəhla Qəhrəmanovanın, Vidadi Muradovun və Kamal Musaxanovun namizədlikləri BMAM-ın professoru seçilmək üçün irəli sürülüb. Təkliflər səsə qoyulduqdan sonra irəli sürülən namizədlərin BMAM-ya qəbul edilməsi üçün sənədlərinin Moskvaya göndərilməsi qərara alınıb.

İclasda həmçinin XII. 2016 - X.2018-ci il dövrü ərzində görülən işlər barədə Bakı Akademik Mərkəzinin elmi katibi Səbinə Hacıyevanın hesabatı dinlənilmişdir.

17 aprel 2018-ci il tarixində Moskvada, Mərkəzi Memarlar Evində BMAM-ın Akademik Şurasının iclası keçirilib

İclas zamanı, BMAM-ın fəaliyyət istiqamətləri və xarakteri, Prezidentin seçilməsi proseduru və s. haqqında müzakirələr aparılmışdır.

Azərbaycan Memarlar İttifaqı İdarə Heyətinin sədri BMAM-ın akademiki Elbay Qasımzadə, BMAM-ın Akademik Şurasının toplantısının gündəliyinə Bakı Akademik Mərkəzindən BMAM-a yeni üzvlərin seçilməsi və rotasiyası məsələsini daxil etmək təklifi ilə çıxış etmişdir.

Səsvermə nəticəsində BMAM-a üzv olmaq və rotasiya üçün Bakı Akademik Mərkəzindən təklif olunan namizədlərin siyahıları təsdiq edilmişdir.

13 aprel 2018-ci il tarixində Azərbaycan Memarlar İttifaqında BMAM-ın Bakı Akademik Mərkəzinin Şura iclası keçirilib.

İclasın gedişində BMAM-ın müxbir üzvlüyünə rotasiya məsələsini müzakirə edərkən BMAM-ın professorları Gülçöhrə Məmmədova, Səbinə Hacıyeva və Rizvan Bayramovun namizədlikləri təklif olunub. Həmçinin BMAM-ın professoru seçilmək üçün Nərmin Yusifli, Aytən Səlimova və Xəlil Cəfərovun namizədlikləri irəli sürülüb. Təkliflər səsə qoyulduqdan sonra irəli sürülən memarların namizədliklərinin qəbul edilməsi qərara alınıb.

Sonra Şura üzvləri elmi nəşrlər barədə və xarici ölkələrin aparıcı memarları ilə görüşlər və onlarla ustad dərslərin təşkili üzərində işi davam etdirmək məsələlərini müzakirə etdilər. Şura üzvləri "Memar" jurnalının BMAM-ın təbliğində əhəmiyyətini qeyd etdilər və aparıcı xarici memarlarla ustad dərslərin keçirilməsi üzrə təklifi dəstəklədilər. Həmçinin Şura, memarlıq haqda kitabların nəşri üzrə prioritet istiqamətləri müəyyən etdilər.

Aprelin 1-də Bakıda Beynəlxalq Memarlar Akademiyasının Moskva bölməsinin Azərbaycan Akademik Mərkəzi açılıb.

Respublikanın tanınmış memarlarının iştirakı ilə Azərbaycan Memarlar İttifaqında BMA-nın Moskva bölməsinin Azərbaycan Akademik Mərkəzinin birinci sessiyası keçirilib.

Azərbaycan Memarlar İttifaqının idarə heyətinin sədri Elbay Qasımzadə 1987-ci ildən fəaliyyət göstərən Beynəlxalq Memarlıq Akademiyasının BMT, UNESCO və Beynəlxalq Memarlar İttifaqı tərəfindən təsis olunduğunu diqqətə çatdırıb. O bildirib ki, Beynəlxalq Memarlıq Akademiyasının Moskva, Paris, Tokio, Çikaqo, Roma, İstanbul və Sürix şəhərlərində yerli şöbələri var. Sözügedən şöbələr də öz növbəsində iqtisadi cəhətdən inkişaf etmiş ölkələrdə milli mərkəzlərini açır. Beynəlxalq Memarlıq Akademiyasının Moskva bölməsinin Akademik Mərkəzinin məhz Bakıda açılması respublikamızda memarlığın inkişafı, sürətlə gedən tikinti-quruculuq işləri ilə sıx bağlıdır.

Ətraflı: Bakıda Beynəlxalq...