5 mart 2020-ci il tarixində Budapeştdə (Macarıstan) Macarıstan Memarlar Assosiasiyasının təşkilatçılığı ilə BMİ-nin II Region üzrə iclası keçirilib. İclasın əsas mövzuları bunlar idi: keçən ilki proqramlar/memarlıq tədbirləri ilə bağlı təqdimatlar və tövsiyyələr, BMİ-nin Rio-de-Janeyro Konqresinə hazırlıq və BMİ nizamnaməsinə ediləcək dəyişikliklərin müzakirəsi.

 Müşavirənin gedişində görüş iştirakçılarına müxtəlif üzv-ölkələrin son tədbir və proqramları haqqında ətraflı hesabatlar, Nikos Fintikakisin son 3 il üzrə ətraflı məlumatı və s. təqdim edilmişdir. Həmçinin, BMİ-nin prezidentliyinə bir neçə namizədin təqdimatları dinlənilmiş, hazırki prezident Tomas Vonye, BMİ-nın hazırki baş katibi Şerban Tiqanas və Region III Şura üzvü Joze-Luis Kortes Delqado öz təqdimatları ilə çıxış etmişlər.

Müşavirənin ilk gününün sonunda beynəlxalq assosiasiyaların (BAUA, V4, UMAR) prezidentləri qısa, lakin çox səmərəli və maraqlı təqdimatlarla çıxış etmişlər. Uğurla təqdim olunan çoxsaylı layihələrlə yanaşı, iştirakçılar problem və vəzifələrin oxşar olduğunu, əməkdaşlığın gələcəkdə də davam etməsinin zəruriliyini bildiriblər.

Mart ayının 6-da konfrans mərkəzində “Şəfaverici memarlıq” mövzusunda Beynəlxalq Memarlıq konfransı keçirilib. Konfrans Krizsan Andras (Macarıstan Memarlar Assosiasiyasının Prezidenti) və Tomas Vonier (BMİ-nin Prezidenti), Nikos Fintikakis (BMİ-nin II Region üzrə vitse-prezidenti) və Zsolt Füleky (Dövlət Katibinin müavini) tərəfindən salamlama nitqi ilə açılıb. Tanınmış memarların təqdim etdiyi maraqlı və aktual mühazirələr dinlənilib.

 Konfransın son proqramı olaraq, macar memarların müşayiəti ilə yeni Puskas Arenaya ekskursiya baş tutub.

6 noyabr 2019-cu il tarixində Riqada "Miqrasiya Memarlığı" adlı beynəlxalq konfrans çərçivəsində Beynəlxalq Memarlar İttifaqının I və II Regionlarının nümayəndə heyətlərinin görüşü keçirildi.

Tədbirin əvvəlində Latviya Memarlar Assosiasiyasının prezidenti Juris Poga iclas iştirakçılarına Latviya Memarlar Birliyi və Baltikyanı Memarlar İttifaqı Assosiasiyasının (BMİA) fəaliyyəti barədə məlumat verdi. Beynəlxalq təşkilatlar və İnsan Hüquqları departamentinin direktoru İlse Ruze bütün iştirakçılara, bir araya gələrək ümumi dəyərlər haqqında fikir mübadiləsinə görə təşəkkürünü bildirdi.

Sonra BMİ-nin prezidenti Tomas Vonyerin videomüraciəti nümayiş etdirildi. O, bütün toplaşanlara minnətdarlığını bildirdi, onlara səmərəli iş arzuladı, 1-ci və 2-ci regionların birləşməsi ilə bağlı fikirlərini bölüşdü. Sonra BMİ-nin Baş Katibi Şerban Tiganas, BMİ-nin 1-ci Regionu üzrə vitse-prezidenti Lourens Broker, BMİ-nin 2-ci Region üzrə Şura Üzvi Elbay Qasımzadə və Yeji Qroxulskinin məruzələri dinlənildi.

Azərbaycan Memarlar İttifaqının İdarə Heyətinin sədri Elbay Qasımzadə çıxış edərək, BMİ-nin ən mühüm regionları arasında təşkil olunmuş görüşə görə Yuris Poqaya təşəkkürünü bildirdi.

Məruzəsində Elbay Qasımzadə, I və II Regionların birləşməsi təklifini böyük səhv adlandırdı. O qeyd etdi ki, 1-ci Region BMİ-nin vətəni hesab olunur. 2-ci Region isə həm slavyan, həm də türk xalqlarını əhatə edən ən mürəkkəb regiondur. Aydındır ki, memarlığı siyasi dəstək olmadan inkişaf etdirmək olmaz, lakin sənəti də çox siyasiləşdirmək olmaz.

Çıxışının sonunda cənab E. Qasımzadə BMİ çərçivəsində 1-ci və 2-ci regionları birləşdirəcək Şərq-Qərb blokunu təşkil etməyi təklif etdi. Həmcinin, Elbay Qasımzadə BMİ-nin Şurasında daha çox gənc memar olmasının daha səmərəli olacağına dair fikirlərini bildirdi və eyni zamanda BMİ ilə Beynəlxalq Memarlıq Akademiyası arasındakı əməkdaşlığa diqqət yetirməyi təklif etdi.

Görüşün sonunda BMİ-nin Baş katibi Şerban Tiganas BMİ tərkibində struktur dəyişiklikləri ilə bağlı Qətnamənin yenidən işlənmiş variantı üzrə müzakirə açdı.

7-8 noyabrda Riqada Latviya Milli Kitabxanasında Baltikyanı Memarlar İttifaqı Assosiasiyasının təşkilatçılığı ilə miqrasiya, memarlıq, ərazi planlaşdırılması və infrastrukturun inkişafı baxımından müxtəlif aspektlərə həsr olunmuş "Miqrasiya memarlığı" beynəlxalq konfransı keçirildi.

Miqrasiya memarlığı, Baltikyanı ölkələrdə Beynəlxalq Memarlar İttifaqının (BMİ) beynəlxalq tədbirləri sırasına rəsmi şəkildə daxil edilmiş ilk və bu günə qədər yeganə konfransdır.

Latviya Memarlar Assosiasiyasının prezidenti Yuris Poqanın qeyd etdiyi kimi, Riqada ilk dəfə keçirilən konfrans Baltikyanı ölkələr üçün miqrasiya ilə bağlı cari məsələlərin kəsişməsində mühüm hadisəyə çevrilmişdir.

Konfrans zamanı beynəlxalq münasibətlərin yeni iqtisadi və siyasi arxitekturasında beynəlxalq miqrasiya problemləri, miqrasiyanın həm miqrantları qəbul edən, həm də göndərən ölkələrin demoqrafik və sosial-iqtisadi inkişafına təsiri, habelə Avropadakı miqrasiya böhranı problemləri ətrafında müzakirə aparılmışdır.

İyunun 2-də Heydər Əliyev Mərkəzində Beynəlxalq Memarlar İttifaqının II Region seksiya üzvləri prezidentlərinin müşavirəsi keçirilib. Tədbir Beynəlxalq Memarlar İttifaqı, Heydər Əliyev Fondu, Heydər Əliyev Mərkəzi və Azərbaycan Memarlar İttifaqının birgə təşkilatçılığı ilə keçirilib.

Beynəlxalq Memarlar İttifaqı – 1948-ci ildə yaradılmış qeyri-hökumət təşkilatıdır. O, dünyanın 130 ölkəsində peşəkar memarlar assosiasiyalarını birləşdirir. Müşavirədə iştirak etmək üçün dünyanın 15 ölkəsindən (Belarus, Macarıstan, Yunanıstan, Gürcüstan, Qazaxıstan, Latviya, Livan, Polşa, Rusiya, Slovakiya, Türkiyə, Ukrayna, Çexiya, Estoniya) Bakıya memarlar gəlmişlər.

Görüşdən öncə qonaqlar Fəxri Xiyabanda ümummilli lider Heydər Əliyevin və akademik Zərifə xanım Əliyevanın məzarlarını və Şəhidlər Xiyabanını ziyarət ediblər.

Heydər Əliyev Mərkəzinə gəldikdə iştirakçılar əvvəlcə "Azərbaycan Memarlığı" sərgi ilə tanış olmuşlar.

 Müşavirəni açan Azərbaycan Memarlar İttifaqı idarə heyətinin sədri Elbay Qasımzadə ölkəmizdə bu sənət növünün keçdiyi inkişaf yolundan danışıb. Bildirib ki, memarlığın inkişafı dövlətimizin başçısı İlham Əliyevin və Azərbaycan Respublikasının Birinci vitse-prezidenti xanım Mehriban Əliyevanın daim diqqət mərkəzindədir. Bu gün Heydər Əliyev Fondunun dəstəyi ilə Azərbaycanda və dünyanın bir sıra ölkələrində tarixi memarlıq abidələri bərpa edilir.

Elbay Qasımzadə Azərbaycan Respublikasının Birinci vitse-prezidenti Mehriban Əliyevanın Memarlar İttifaqının fəxri üzvü seçildiyini diqqətə çatdırıb. O, həmçinin deyib ki, Mehriban Əliyeva Azərbaycan memarlıq irsinin qorunub saxlanılmasında fəaliyyətinə və bu sahəyə verdiyi töhfələrə görə “Akademik Mikayıl Hüseynov” xatirə medalı ilə təltif olunub.

Sonra isə Azərbaycan Respublikasının Mədəniyyət və Turizm naziri Əbülfəs Qarayev, BMİ II region vitse-prezidenti Dəniz İncədayı və digər rəsmi şəxslərin çıxışları olub.

7 aprel 2017-ci ildə Praqada, Beynəlxalq Memarlar İttifaqının II region seksiya üzvlərinin prezidentlərinin növbəti görüşü baş tutdu. Görüş, Praqada Çexiya Texniki Universitetinin Memarlıq fakültəsinin binasında keçirildi.

Əvvəlcə, Çexiya Memarlar Assosiasiyasının prezidenti Oleq Haman iştirakçılara və Beynəlxalq Memarlar İttifaqına təşəkkür etdi və Görüşün keçirilməsində uğurlar  arzuladı.

BMİ II Region üzrə vitse-prezidenti Deniz İncedayi, öz növbəsində, iştirakçıları salamlayaraq, Çexiya Memarlar Assosiasiyasının prezidenti Oleq Hamana və vitse-prezidenti Karel Smeykala ideya və qəvət üçün, eləcə də BMİ-yə qayıtmalarına görə təşəkkür etdi. O, Türkiyə Memarlar İttifaqı prezidentinin salamlarını və tədbirə qatıla bilmədiyi üçün təəssüflərini çatdırdı; O, "Məsuliyyətli Memarlıq" konfransının keçirilmə yeri və təşkili üçün Praqa Texniki Universiteti Memarlıq Fakültəsinin Dekanına minnətdarlığını bildirdi və konfransa dəstək olan hər kəsə təşəkkür etdi.

Tədbir zamanı aşağıdakı məsələlər müzakirə edildi:

• BMİ və II Region qarşısında duran problemlər;
• Qarşıdakı 2-3 iyun 2017-ci ildə Bakıda keçiriləcək növbəti görüş üçün hazırlıq;
• 2017-ci ildə Seulda keçiriləcək BMİ Konqresinə hazırlıq;
• I və II region arasındakı əməkdaşlıq, yeni ideyalar (Seul sərgisi, büdcə, işlərin müzakirəsi);
• Solonikidə (4 noyabrBMİ IIregion Şurasınınsoniclasınıngündəliyininvə protokolununqəbuluvə bir çbaşqaməsələlər.

BMİ II Region seksiya üzvləri prezidentlərinin növbəti görüşü 2-3 İyun 2017-ci ildə Bakıda baş tutacaq.