Beynəlxalq Memarlar İttifaqının (BMİ) və Azərbaycan Memarlar İttifaqının (A) təşkilatçılığı ilə 7-9 iyun 2019-cu il tarixlərində Bakıda, Heydər Əliyev Mərkəzində ilk dəfə olaraq "Tarixi şəhərlərdə kütləvi turizm" adlı Beynəlxalq Memarlıq Forumu keçiriləcək.

Previous Next

1 oktyabr 2018-ci il tarixində Azərbaycan Memarlar İttifaqının binasında ölkənin memarları Ümumdünya memarlıq gününə həsr olunmuş peşə bayramını geyd etmişlər.

Memarlar İttifaqının İdarə Heyətinin sədri, Respublikanın Əməkdar memarı Elbay Qasımzadə həmkarları qarşısında çıxış edərək, onları peşə bayramı münasibətilə təbrik etmiş və qeyd etmişdir ki, bu gün dünyanın 120 şəhərində 1 milyondan çox memar bu bayramı qeyd edir.Memarlıq həmişə bəşəriyyətin elə bir sərvəti olub və olacaq ki, o  estetik və praktik funksiya daşıyır, zövq və vətənpərvər ideyalar formalaşdırır.

Memarlıq irsinin qorunub saxlanılması, əlverişli yaşayış mühitinin, şəhər və qəsəbələrin fərdi görünüşünün yaradılması kimi böyük məsuliyyət memarın üzərindədir. Məhz memarın təsəvvürü vasitəsilə bütün bəşəriyyətin yaşadığı mühit formalaşır. Bu mühitin keyfiyyəti, təhlükəsizliyi və ən əsası estetik dəyəri, bir çox hallarda təcrübə və bilikdən asılıdır.

Sonra Elbay Qasımzadə Memarlar İttifaqının bir neçə üzvünü yubileyləri münasibətilə təbrik edərək, onlara AMİ-nin Fəxri fərmanlarını təqdim etdi.

Sonra Azərbaycan Mİ-nin İdarə Heyətinin üzvü, Respublikanın Əməkdar memarı Afis Əmirxanov çıxış edərək, şəhərin görünüşündəki ən son dəyişikliklər barədə danışdı. Az zaman bundan əvvəl şəhər boz və görünüşsüz idi. İndi isə o dəyişmiş, memarlıq layihələrinin dizayn gözəlliyi ilə göz oxşayır. Bakıda aparılan tikinti-quruculuq işləri deməyə əsas verir ki, Azərbaycan dinamik inkişaf edir. Azərbaycanın inkişafı dünyada onun nüfuzunu artırır.

Sonra Moskva Beynəlxalq Memarlıq Akademiyasının professoru, Şərq ölkələri Beynəlxalq Memarlıq Akademiyasının müxbir üzvü Rayiha Əmənzadə çıxış edərək əvvəlcə çox gözəl təşkil olunmuş bu axşam üçün Memarlar İttifaqının rəhbərliyinə təşəkkür etdi və bildirdi ki, tezliklə Moskvada dünyanın ən böyük platforması olan Xalq Təsərrüfatı Nailiyyətləri Sərgisində öz gözəlliyi ilə ən yaxşılardan biri olacaq yeni bərpadan çıxmış Azərbaycan pavilyonu öz qapılarını ziyarətçilərin üzünə açacaq. Bu, Respublika memarları üçün böyük bir hadisədir və bu haqda material "Memar" informasiya-analitik jurnalının səhifələrində dərc olunmağa layiqdir.

Tədbirdə iştirak edən Azərbaycan Mİ-nin İdarə Heyətinin üzvü, Respublikanın Əməkdar memarı Fəxrəddin Miralay bayram münasibətilə həmkarlarını təbrik edərək Bakıda bərpa və yenidənqurma işlərinin aparılmasından ətraflı söhbət açıb.

Qeyd etmək istərdik ki, istedadlı gənc Novruzzadə Nərmin fortepianoda mahir ifaçılıq sənəti göstərərək gecənin gedişinə öz canlı musiqisi ilə rəng qatıb.

Previous Next

21 sentyabr 2018-ci il tarixində Azərbaycan Memarlar İttifaqında Beynəlxalq Memarlar İttifaqının koordinatorları ilə müşavirə keçirilmişdir. Səfərin məqsədi BMİ-nin Forumu və Fövqəladə Baş Assambleyasına hazırlığın gedişatı ilə tanış olmaqdır.

Görüşdə BMİ-nin Baş Katibi Şerban Tiqanas, BMİ-nin Baş Katibliyinin koordinatoru Sonia Çela, BMİ-nin Şura Üzvü İstelianna Atanassova, Azərbaycan Memarlar İttifaqı İdarə Heyətinin sədri Elbay Qasımzadə, "İçərişəhər" Dövlət Tarix-Memarlıq Qoruğu İdarəsinin rəisi Əsgər Ələkbərov, Azərbaycan Memarlar İttifaqının birinci katibi Fərhad Mollazadə,Azərbaycan Memarlar İttifaqının Memarlıq irsi üzrə komissiyasının sədri Rizvan Bayramov iştirak etmişlər.

İclas zamanı 2019-cu ildə keçiriləcək Forumun planı hazırlanıb və müzakirə olunub. Skype rabitəsi vasitəsilə Parisdəki Proqram Komitəsinin üzvləri ilə telekörpü yaradılmışdır. Proqram Komitəsinin üzvləri birsıra məsələlərdə düzəlişlər edib və tədbirin keçirilməsi barədə fikirlərini bölüşmüşlər.

Koordinatorlara həmçinin məlumat verilmişdir ki, belə geniş miqyaslı Forumun təşkilinə Bakı Media Mərkəzi cəlb olunmuşdur. Müşavirədən sonra ekspertlər Media Mərkəzinə baş çəkdilər. Onlara Forumun “Tarixi şəhərlər və Turizm çağırışları” mövzusunun bütün istiqamətlərinin geniş əhatə edildiyi ilkin təqdimat nümayiş etdirildi. Gələcək Forumun loqotipi və nəzərdə tutulan ekspozisiyaların dizayn variantları göstərildi. Təqdimatın sonunda BMİ-nin Baş Katibi Şerban Tiqanas bəzi konseptual istiqamətlər üzrə fikirlərini bildirdi.

Sonra koordinatorlar Forumun keçiriləcəyi Heydər Əliyev Mərkəzinə getmiş və məkan ilə yaxından tanış olmuşlar. Diqqətlə sərgi zallarına baxarkən, mütəxəssislər tədbirin keçirilməsi üçün ayrılan yerin tam uyğun olduğunu bildirmişlər.

Previous Next

18 aprel 2018-ci il tarixində Azərbaycan Respublikası Prezidentinin İşlər İdarəsinin Rəsmi Qəbullar Sarayında Beynəlxalq Abidələr və Tarixi Yerlər Günü münasibətlə Mədəniyyət və Turizm Nazirliyinin təsis etdiyi "Milli İrs Mükafatı"nın təqdimetmə mərasimi keçirilib.

Tədbirdə Mədəniyyət və turizm naziri Əbülfəs Qarayev, nazirin müavini Vaqif Əliyev, millət vəkilləri, mədəniyyət və ictimaiyyət nümayəndələri iştirak ediblər.

Əvvəlcə tədbir iştirakçıları sarayın foyesində ümummilli lider Heydər Əliyevin anadan olmasının 95 illiyinə həsr olunmuş “Heydər Əliyev və mədəni irs” adlı fotosərgi ilə tanış olublar.

Azərbaycan Respublikasının Mədəniyyət və Turizm Nazirliyinin 2013-cü ildə təsis etdiyi “Milli İrs Mükafatı” hər il Azərbaycanın mədəni irsinin təbliği, milli memarlıq və bərpaçılıq sənətinin təşviqi, tarix və mədəniyyət abidələrinin qorunması sahəsində fəaliyyətin dəstəklənməsi və stimullaşdırılması məqsədilə bu sahə üzrə fərqlənmiş şəxslərə və təşkilatlara verilir.

2018-ci ilin “Milli irs mükafatı”na Azərbaycan irsinin təbliğində xidmətlərinə görə Azərbaycan Respublikası Memarlar İttifaqı layiq görülmüşdür.

Previous Next

9 fevral 2018-ci il tarixində, Müslüm Maqomayev adına Azərbaycan Dövlət Filarmoniyasında Azərbaycanın yaradıcılıq təşkilatlarının rəhbərləri və üzvləri 11 aprel 2018-ci il prezident seçkiləri ilə bağlı forum keçiriblər.

Foruma Azərbaycan Memarlar İttifaqı İdarə Heyətinin sədri, Əməkdar memar Elbay Qasımzadə, Azərbaycan Yazıçılar Birliyinin sədri, Xalq Yazıçısı Anar Rzayev, Azərbaycan Bəstəkarlar İttifaqının sədri, Xalq Artisti Firəngiz Əlizadə, Azərbaycan Rəssamlar İttifaqının sədri, Xalq Rəssamı Fərhad Xəlilov, Azərbaycan Respublikası Kinematoqrafçılar İttifaqının sədri, Xalq Artisti Şəfiqə Məmmədova, Teatr Xadimləri İttifaqının sədri, Xalq Artisti Azərpaşa Nemətov, Musiqi Xadimləri İttifaqının sədri, Xalq Artisti Fərhad Bədəlbəyli, Aşıqlar Birliyinin sədri, Əməkdar Elm Xadimi Məhərrəm Qasımlı, Yazıçılar Birliyinin katibi, Xalq Yazıçısı Çingiz Abdullayev, respublikanın tanınmış ziyalıları qatılıblar.

Azərbaycan Memarlar İttifaqınıXIX qurultayında, Azərbaycan Respublikası Prezidentinin 18 dekabr 2017-ci il tarixli Sərəncamına əsasən, Azərbaycanda memarlığıinkişafında xidmətlərinə görə aşağıdakı memarlar təltif edilmişlər:


«Şöhrət» ordeni ilə:

  • Bəylərov İlqar Xıdır oğlu
  • İsbatov İlqar Aydın oğlu

TeletX 1 XANLAROV TƏLƏT AĞASIBƏY oğlu (1927-2004)

Görkəmli Azərbaycan memarı memarlıq akademiki Xanlarov Tələt Ağasıbəy oğlu 26 avqust 1927-ci ildə Bakı şəhərində anadan olmuşdur, 1956-cı ildə Azərbaycan Politexnik institutunu bitirmişdir.

Dövlət mükafatı laureatı (1967-ci il), 1975-ci ildən – Azərbaycan Respublikası Əməkdar memarı, 1992-ci ildən – Şərq Ölkələri Beynəlxalq Memarlıq Akademiyasının (ŞÖBMA) vitse-prezidenti, “Şöhrət” (№119) və “Şərəf nişanı” (№1138768) ordenli, Prezident təqaüdçüsü olmuşdur.

           Müasir Azərbaycanın ən görkəmli layihəçi memarlarındandır.

60-dan artıq unikal layıhələrin müəllifidir, o cümlədən: Heydər Əliyev adına İdman və Konsert kompleksi, “Bakı Soveti” və “Memar Əcəmi” metropoliten stansiyaları, Mərkəzi Statistika idarəsi, Baş Təchizat idarəsinin Hesablama mərkəzi, Nərimanov və Nizami rayonlarında icra hakimiyyətlərinin inzibati binaları, Mingəçevir şəhərində avarçəkənlərin Olimpik bazası, Sumqayıt şəhərində “Kimyaçı” mədəniyyət sarayı, Naxçıvan şəhərində “Təbriz” mehmanxanası və s.

1992-ci ildən “Akademik T.A.Xanlarovun yaradıcılıq emalatxanası”na başçılıq edirdi və Bakı şəhəri və onun ətraf qəsəbələrində inşa edilməkdə olan “İmam Rza” məsçidi, Qafqaz İslam Universitetinin kompleksi, Nərimanov rayonunda Cümə məsçidi, prokuratura işçilərinin yaşayış binası, bir neçə inzibati, yaşayış binaların və fərdi bağ evlərinin layıhələrini tərtib etmişdir.

Bütün müasir ensiklopediya və kataloqlarda Azərbaycanın ən görkəmli mədəniyyət və elm xadimlərinin siyahısına daxil edilib.

Görkəmli alimin həyat və yaradıcılığı haqqında daha ətraflı məlumat ilə "Insaatci" qəzetinin Xüsusi Buraxılışında tanış ola bilersiz

Previous Next

2017-ci ilin may ayının 9-u Heydər Əliyev Fondunun Vitse-Prezidenti Leyla xanım Əliyeva Azərbaycan Memarlar İttifaqını ziyarət etmişdir.

Azərbaycan Memarlar İttifaqının İdarə Heyətinin sədri Elbay Qasımzadə İttifaqın fəaliyyəti və yerləşdiyi bina haqqında ətraflı məlumat vermişdir.

Görüş zamanı İttifaqın yerləşdiyi tarixi binanın bərpası və əsaslı təmiri haqqında söhbət aparılmışdır.

Musviq

 

Müstəqil dövlətimizin şəhər və qəsəbələrinin siması günü-gündən gözəlləşir və zənginləşir. Möhtərəm Prezident İlham Əliyev tərəfindən ölkədə aparılan şəhərsalma siyasətinin nəticəsi olaraq, paytaxtımız Bakıda xalqımızın mədəniyyət və incəsənət xadimlərinə yeni abidələr ucaldılır.

Azərbaycan RespublikasınıBirinci Vitse-PrezidentiHeydəƏliyev Fondunun Prezidenti Mehriban xanım Əliyevanısəyləri nəticəsində tarixi mədəni irsimizin qorunub-saxlanılması üçüəzəmətli işləgörülür.

Məhz bunlar həyatımızıəsasını təşkil edən, millətin mənəviyyatını daha da yüksəldəaddımlar mövcudluğunda hansısa naməlum, mədəniyyətsiz, təsadüfi insanlar tərəfindədahi şairimiz MikayıMüşfiqin abidəsinin dağıdılması həbir ziyalının, cümlədəhəmemarıqəlbində böyühiddədoğurur!

Düşmənlərimizin Azərbaycan xalqını dünyaya barbar simasında göstərmək niyyətini, çox təəssüf ki, həmvətənlərimiz düşünülməmiş hərəkətləri ilə dəstəkləyirlər.  

Bakı şəhəri, Murtuza Muxtarov küçəsi, ev 24.

(+99412) 594-6840

UAA - Facebook / UAA - Instagram