Previous Next

11 oktyabr 2019-cu il tarixində İtaliyanın bir sıra bölgələrini təmsil edən memar və inşaatçılardan ibarət nümayəndə heyəti Azərbaycan Memarlar İttifaqında oldular. Memarlar İttifaqı İdarə Heyətinin sədri Elbay Qasımzadə qonaqları salamladıqdan sonra onlara başçılıq etdiyi təşkilat haqqında danışdı. İtaliyalı memarlara Azərbaycan memarlığının tarixi, burada yaranmış memarlıq məktəbləri, azərbaycanlı ustaların şərq və dünya memarlığına verdikləri töhfələr barəsində məlumat verildi.

Maraqlı keçən fikir mübadilələri gedişində Bakının XIX əsr memarlığı və həmin dövrdə burada fəaliyyət göstərmiş əcnəbi memarlar xatırlandı. İtaliyalı mütəxəssislərdən Anna Semenza, İzabella Steffan və başqaları səmimi qəbula və verilən maraqlı məlumatlara görə təşəkkürlərini bildilər.

Qonaqlara AMİ-nin rəsmi nəşri olan “Memar” elmi, analitik-informasiya jurnalının yeni sayı təqdim olundu. Sonda xatirə şəkli çəkdirildi.

Hörmətli həmkarlar!

Əziz həmvətənlilər!

 

İnsan fəaliyyətinin ən zəngin, ən zərif sənət növlərinin təmsilçiləri olan memarların peşə bayramı – Ümumdünya Memarlıq Günü münasibətilə sizləri səmimi qəlbdən təbrik edirəm.

Xalqımıza, dövlətimizə, sənətimizə göstərdiyiniz xidmətdə böyük müvəffəqiyyətlər arzu edirəm.

 

Elbay Qasımzadə

Azərbaycan Memarlar İttifaqının İdarə heyətinin sədri

20191007 110729

10 sentyabr 2019-cu ildə Bakı Media Mərkəzinin prezidenti Arzu Əliyeva Azərbaycan Memarlar İttifaqında olmuşdur.

Görüş zamanı Memarlar İttifaqının İdarə Heyətinin sədri Elbay Qasımzadə 7-11 iyun 2019-cu il tarixlərində Bakıda keçirilən “Tarixi şəhərlərdə kütləvi turizm” Birinci Beynəlxalq Memarlıq Forumunun keçirilməsində köməklik göstərdiyinə görə şəxsən Arzu xanıma təşəkkür etdi. Bakı Media Mərkəzinin əməkdaşlarının peşəkar işi sayəsində Azərbaycan qonaqlara layiqincə təqdim edildi. Forumun açılış və bağlanış günlərində nümayiş olunan vizual şoudan bütün nümayəndələr məmnun qaldılar.

Arzu xanım Əliyevaya Azərbaycan Memarlar İttifaqının binası haqqında və xüsusilə də binanın sahibi olmuş Ağa Bala Quliyev haqqında ətraflı danışıldı, həmçinin Azərbaycan Memarlar İttifaqının fəaliyyəti və gələcək planları barədə məlumat verildi.

Previous Next

Azərbaycan Respublikasının Prezidenti cənab İlham Əliyev 2019-cu il 1205 nömrəli Sərəncamı ilə Azərbaycan milli memarlıq sənətinin inkişafında əldə etdiyi nailliyətlərə görə, Respublikanın Əməkdar memarı, “Şöhrət” və “Şərəf” ordenləri kavaler, professor Elbay Ənvər oğlu Qasımzadə "Azərbaycan Xalq Cümhuriyyətinin 100 illiyi (1918-2018)" yubiley medalı ilə təltif edilmişdir.

 

 

Previous Next

25 avqust, Heydər Əliyev Fondunun Prezidenti Mehriban Xanım Əliyevanın doğum günü ərəfəsində Azərbaycan Avtomobil Federasiyası retro avtomobillərdə yürüş keçirilib. Yürüşdə Azərbaycanın incəsənət nümayəndələri və ziyalıları iştirak ediblər.

Azərbaycan Respublikası Xarici İşlər Nazirliyinin 2019-cu il 9 iyul tarixli S/01-19 nömrəli Sərəncamı ilə Azərbaycanın Beynəlxalq münasibətlərinin inkişafına verdiyi töhfəyə görə Elbay Ənvər oğlu Qasımzadə “Azərbaycan Respublikası diplomatik xidmət orqanlarının 100 illiyi (1919-2019)” yubiley medali ilə təltif edilmişdir.

 

 

 

EQ teltif 2

Bakı şəhəri, Murtuza Muxtarov küçəsi, ev 24.

(+99412) 594-6932, 594-6840 (tel/faks)