Previous Next

20 fevral 2020-ci il tarixində Azərbaycan Memarlıq və İnşaat Universitetində (AzMİU) tələbələrin məşğulluğunu artırmaq məqsədi ilə növbəti dəfə tələbə və məzunlar üçün Karyera sərgisi təşkil olunub.

         Sərgidə ölkənin aparıcı şirkətlərindən Azərbaycan Dövlət Neft Şirkəti, BP Azərbaycan, Kapital Bank, Beynəlxalq Bank, Paşa İnşaat, North West Construction MMC, PMD Projects, Akkord STİK, Holcim Azərbaycan, İmprotex İndustries MMC, Embawood MMC eləcə də digər dövlət və özəl şirkətlərdə vakant iş yerləri sərgiyə çıxarılıb.

Tələbələrinin keyfiyyətli təhsil almalarını təmin etməklə yanaşı, onların ixtisasları üzrə uğurlu karyera qurmaları üçün də köməklik göstərən universitet rəhbərliyinin təşəbbüsü ilə 90-dan çox dövlət qurumu, özəl şirkətlər, müəssisələr tələbə və məzunlara müxtəlif vakansiyalar üzrə ümumilikdə 100-dən çox iş yerləri təklif edib. Budəfəki karyera sərgisinin əsas ideyası təkcə iş imkanlarını gənc peşəkarlarla paylaşmaq deyil, həm də onların iş adamları (şirkət nümayəndələri) ilə ünsiyyət saxlaması və iş həyatında möhkəm addımlarla irəliləmələri üçün önəmli bir təşəbbüs oldu.

         Universitetin rektoru, professor Gülçöhrə Məmmədova Karyera sərgisini açıq elan edərək sərginin əhəmiyyətinə toxunub. AzMİU-da artıq ikinci dəfə keçirilən sərginin tələbə və məzunlarımıza karyera yolunda ilkin addımlarını atmaqda böyük dəstək verəcəyini vurğulayıb. Daha sonra Gülçöhrə Məmmədova sərgidə nümayiş olunan stendləri gəzib, şirkətlərin nümayəndələri ilə ünsiyyətdə olub, vakansiyalarla maraqlanıb.

       1500-dən çox tələbə və məzunun iştirak etdiyi sərgi böyük maraqla qarşılanıb. Sərgidə şirkət nümayəndələri təmsil olunduqları müəssisələrdəki vakansiyalar haqqında tələbələrə ətraflı məlumat veriblər. Xüsusilə iş axtarışında olan 4-cü kurs tələbələri bu sərginin onlar üçün çox vacib olduğunu, iş yeri tapmaq probleminin həllinə yardım edəcəyini vurğulayıblar. Sərginin gedişində iş axtarışında olan gənclər şirkətlərin insan resursları üzrə mütəxəssisləri ilə ünsiyyət yarada biliblər. Şirkət nümayəndələrinə yaxınlaşıb, özlərinə uyğun vakansiyalara CV-lərini təqdim ediblər.

Previous Next

22-25 oktyabr 2019-cu il tarixlərində Bakı Ekspo Mərkəzində, BakuBuild 2019 – 25-ci Yubiley Beynəlxalq İnşaat Sərgisi keçirilmişdir.

Sərginin rəsmi açılış mərasimində İqtisadiyyat Nazirinin müavini Niyazi Səfərov; Azərbaycan Respublikası Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov; Dövlət Şəhərsalma və Arxitektura Komitəsi sədrinin müavini Dövlətxan Dövlətxanov; Fövqəladə Hallar Nazirliyi Tikintidə Təhlükəsizliyə Nəzarət Dövlət Agentliyinin Rəis müavini Elxan Əsədov; Mənzil İnşaatı Dövlət Agentliyinin Strateji planlaşdırma və təhlil şöbəsinin müdiri Fərman Qurbanlı; Azərbaycan Memarlar İttifaqının 1-ci katibi Fərhad Mollazadə və «Caspian Event Organisers» şirkətinin regional direktoru Edvard Stron çıxış etmişlər.

Previous Next

18 oktyabr tarixində “Xəzər İnşaat Həftəsi” Bakı Ekspo Mərkəzində öz işinə başlayıb. Regionda iştirakçıların sayına görə qeyri-neft sektorunun ən böyük sərgi tədbiri - “Xəzər İnşaat Həftəsi” çərçivəsində üç sərgi - Azərbaycan Beynəlxalq İnşaat “WorldBuild Baku”, 10-cu Yubiley Beynəlxalq İstilİk, Havalandırma və Kondisiyalaşdırma sistemləri, Su təchizatı, Sanitariya, Ətraf Mühitin Mühafizəsi Texnologiyaları, Üzgüçülük Hovuzu və Bərpa Olunan Enerji Aquatherm Baku 2017 və 10-cu Yubiley Xəzər Beynəlxalq Mühafizə, Təhlükəsizlik və Xilasetmə Vasitələri Securika Caspian  2017 təşkil olunub.

Sərgilərin rəsmi açılış mərasimində cənab Niyazi Səfərov, İqtisadiyyat Nazirinin müavini, cənab Sadiq Sadıqov, Azərbaycan Respublikasının Prezidenti yanında Mənzil İnşaatı Dövlət Agentliyinin direktorunun müavini, cənab Elxan Əsədov, Fövqəladə Hallar Nazirliyi Tikintidə Təhlükəsizliyə Nəzarət Dövlət Agentliyinin Rəis müavini, cənab Elbay Qasımzadə, Azərbaycan Memarlar İttifaqının İdarə heyətinin sədri və cənab Edvard Stroon - İTE Qrup şirkətinin regional direktoru çıxış ediblər.

Elbay Qasımzadə bildirib ki, hər hansı inkişaf edən cəmiyyətin əsasını şəhərsalmanın inkişafı baxımından böyük məsuliyyətə malik olan memarların peşəkarlığından çox asılı olan fəal tikinti işləri təşkil edir. Tikinti sektorunu hər cür dəstəkləmək lazımdır.


 Tədbir iştirakçıları ilk öncə Ümummilli liderimiz Heydər Əliyevin xatirəsini əziz tutaraq Fəxri Xiyabanda məzarını ziyarət etmiş və böyük ehtiramla onun ruhu qarşısında baş əymişlər. Daha sonra akademik Zərifə xanım Əliyevanın məzarını ziyarət edərək gül dəstələri qoymuşlar. Sonra tədbir iştirakçıları Şəhidlər Xiyabanını ziyarət etmişlər. 

Bakı şəhəri, Murtuza Muxtarov küçəsi, ev 24.

(+99412) 594-6840

UAA - Facebook / UAA - Instagram